黃宇詩男友前妻上節目爆離婚真相

無綫最新訪談節目《關你家事》昨晚播出的一集邀請黃宇詩男友Peter的前妻陳小姐Cady做嘉賓,而Cady在節目中講述因「小三」與前友離婚,矛頭更直指黃宇詩!

報道上確認前夫有「小三」

Cady坦言小三的出現是「一隻掌拍唔響」:「喺關係上嘅經濟、溝通、處理小朋友上都有問題存在。」她指自二仔出世後因家庭有經濟問題而報讀自我成長課程,希望改善夫妻關係,但因而讓前夫認識小三,當主持問到如何證實前夫出軌時,她表示當報道一出時就知道對方乃第三者:「雖然唔係拖手啫,但點解咁多個唔影影你哋?」而她亦坦言因為這件事曾懷疑自己患上抑鬱。

Cady淚灑當場(影片截圖)
Cady淚灑當場(影片截圖)

直到離婚後,Cady坦言要先安撫自己情緒才能安撫子女,更指曾被子女問及會否與前夫復合,她淚灑當場說:「相信有可能,因為爸爸都係啱啱出咗去啫,可能會過一段時間返嚟,而二仔會攬住我話無事嘅。」然而到後來子女進入反叛期,與Cady爭吵漸多,最後長女及二仔在今年選擇與前夫生活,Cady更指長女有些地方與自己相似,或會重蹈自己的覆轍,所以都會擔心對方。至於問到會否擔心小三與子女相處更融洽時,Cady亦坦言:「無得驚!」

暗指小三「搏見報」

最後講到Cady於半年前與一位男士拍拖,然而小三卻向傳媒重提當年舊事,更將Cady及仔女照片公開,令她再陷入情緒困擾,對此她暗指對方「搏見報」:「作為一位藝人,始終要有新聞,好嘅消息係新聞,壞嘅消息係新聞。」她指就算沒有以前般緊張,但仍然覺得受到干擾,被問到是否覺得對方做新聞?她則笑言:「都唔到我理啦,都離咗婚,關我鬼事。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟