張振朗被爆係NG王兼喊包 黃子恒受角色影響而變得開朗

由陳耀全(Andy)監製的無綫台慶劇《拳王》,逢周一至周五晚九點半翡翠台播出。以拳鬥及權鬥為主線、主力探討人性的《拳王》,主要演員有黎耀祥、張振朗、黃子恒、朱敏瀚、姚子羚、蔡潔、賴慰玲、譚俊彥、鄭子誠、許家傑、翟威廉、冼灝英、李君妍及孟希璘等。

昨晚監製Andy率領振朗及子恒開Live,與觀眾互動之餘,並送出二人親筆簽名的《拳王》口罩套。Andy笑指是次是決心將振朗與子恒來個性格大兜亂,以帶給觀眾新鮮感,振朗即笑指有難度:「因為個角色好嚴肅、又多內心戲,仲要打好多份工添!對我嚟講真係演得唔算得心應手。我嗰時真係拍到個人都唔同咗,變得唔鍾意講嘢同埋好鍾意諗嘢。」Andy聞言即補充指振朗今次像一個只能出拳、但不能用腳、踭、膝應戰的拳手,並坦言知道對振朗來說很高難度,但仍很感激振朗這麼努力!至於由嚴肅變活潑的子恒,則笑指在角色感染下,私底下亦變得開朗:「加上劇入面拳館所有人都好似一家人,所以拍得好開心。」

二人又坦承是喊包,子恒指最近一次爆喊,是因為聽到劇集其中一首配樂,然後滿腦子都是海正藍(張振朗飾)的畫面,及拍攝時的所有畫面。至於振朗,則坦言無論是見到羅蘭姐(劇中嫲嫲),抑或做訪問談及拍攝感受時,都定必感觸落淚,Andy聞言再玩踢爆謂:「係呀!佢好易喊架!好記得第一次同佢合作《師父明白了!》,佢話想睇番自己死嗰場戲,我咪畀佢睇咯,點知佢一睇就喊到豬頭咁,嚇親我呀!」Andy又笑指振朗是劇中NG最多演員,十分搞笑。

昨晚亦有不少網民留言提及十分喜歡正藍與迎風(黃子恒飾)的互動!其實二人在劇中會逐漸發展成師徒關係,而二人的結冤+結緣場口亦相當有趣,竟然是由HK$27.4的士費、一包花菇以及一個銀包開始!正藍為了HK$27.4的士費,竟追迎風追至入男廁,嚇到肚痛大作的迎風O晒嘴!這個搞笑場口,亦引起了網民熱烈討論,有人覺得為何正藍咁傻有價值超過HK$30的花菇都唔要,亦有網民認為正藍「孤家寡人」,幾貴的花菇對他來說亦毫無意義,相當搞笑!據知,振朗與子恒這對受歡迎的男男CP之後還會有不少對手戲,二人不但火花四濺,更非常有愛,值得期待!

振朗與子恒之後還會有不少對手戲。
振朗與子恒之後還會有不少對手戲。
振朗與子恒之後還會有不少對手戲。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟