江嘉敏拍劇拍到要用擔架床抬出廠 感謝台前幕後照顧:會好好照顧住自己

江嘉敏為拍無綫新劇《四十二章經》而首次剪了短髮,更要吊威也,獻出了不少第一次。她最近更指,拍劇拍到要用擔架床抬出廠。江嘉敏在IG上表示:「好多人要感恩,好多嘅第一次都比咗《四十二章經》! 第一次剪短頭髮, 第一次染金毛, 第一次吊威也, 第一次被人用擔架床抬出廠, 第一次覺得氧氣係咁珍貴。 」

她續指:「一個星期見一次嘅 security 姐姐,一行入廠都忍唔住:『乜又係你丫?』可能前排返咗2個禮拜嘅31:00放工,再返多2個禮拜28:00放工嘅通告,加上天氣又凍返,身體終於捱唔住。死頂到返公司要辛苦 @jenniferho_903 導演同 @__ltc 助導做咗半日苦力,幫我拎袋又要抬住我落去求救,再有 @chaibu 同 Kat陪埋我吸氧氣。大家唔使擔心,我好返喇,我仲有 @ma_helen_ma 日日幫我check住啲血壓。多謝大家嘅關心同慰問,好窩心,我會好好咁照顧住自己㗎喇。」

江嘉敏又多謝一班武指師傅同威也師傅,「每次著條吊威網都勁痛勁辛苦,仲要4個師傅一齊幫我著都要著15分鐘。 吊上去個刻其實壓力好大,好驚自己做唔好。但好彩身邊有一班好同事會不斷比勇氣不斷鼓勵我,有信得過嘅師傅,有力大無窮嘅camman,我哋先拍到咁完美咁勁嘅shot!! 雖然係辛苦嘅,但我好鍾意,鍾意到想買一條私家威也網,搞到啲師傅反晒白眼咁話:『如果係想做武打巨星就買啦!』我想㗎!你哋幫我同啲監製導演編劇講下啦,希望到時大家會一齊支持我哋《四十二章經》! #著威也痛過吊威也 #啲人以為我被家暴 #多謝超人開開下會被人急call入TVB #吊威也好好玩 #跳開心舞舒緩緊張心情 #辛苦晒各位 #得喇我知琴日先係感恩節。」

江嘉敏IG圖
江嘉敏IG圖
江嘉敏IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟