天生有缺陷!J.Arie聲帶有腫瘤不能學管樂

歌手雷深如(J.Arie)於香港開電視專訪上暢談音樂歷程期間,被問及最後悔小時候沒有學的一種樂器時,她坦言遺憾因身體問題,未能學習管樂:「我好想學長笛,同埋好想學色士風,呢兩種樂器我覺得要用到喉嚨聲去吹,但其實我天生有個缺陷,細個嗰陣醫生已經同媽咪講,以後我做任何嘢都唔可以用咁多聲,因為我聲帶本身有兩個腫瘤,到宜家都仲喺度,所以把聲係好容易攰同沙!我覺得自己有啲似蘇樺偉,向自己嘅弱點進發,人愈大就反而對用聲愈有興趣,覺得係要發掘多啲!」

J.Arie向自己嘅弱點進發。

入行八年的J.Arie,即將舉行首次個人演唱會,她透露這次演唱會特別之處,是設有年齡限制:「我好想喺今次演唱會裏面,將我呢32年嚟嘅人生,好赤裸咁畀大家睇!成件事可能真係比較本土文化啲,同埋有好多嘢想呈現喺本誠實日記當中,其實我都有幾多歪理同為世不容嘅嘢寫咗入去!經過開完製作會議,主辦方就話,演唱會本身冇呢個規例,但都真係要加番,15歲以下真係唔入得,哈哈!」

J.Arie(左)接受香港開電視主播馬梓軒訪問。

問到屆時會否在舞台上性感上陣,J.Arie笑言:「呢個大家到時入場就會知道,其實都有諗過,我諗呢個演唱會都有幾多唔同嘅突破,包括喺題材、演出、肢體、視覺上,希望做到一個好配合自己性格同想法嘅演唱會!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟