陳敏之節目大爆辛酸史 好友王君馨出道14年曾跌低谷

(截圖)

現年42歲無綫藝人陳敏之,本名「陳敏芝」,香港女藝人,現為無綫電視經理人合約藝人,曾拍攝多套電視劇集,亦有主持時事、綜藝旅遊節目及音樂節目,她早於1990年代初期以模特兒身分入行,及至2001年加入TVB後才開始嶄露頭角,她以擁有43吋長腿聞名,獲譽為「索腿天后」。藝人陳敏之近來邀請王君馨上她的YouTube頻道節目《Chi Chat》做嘉賓,出道14年的君馨大談當年初入行時的辛酸,事業由高峰跌落谷底,「原來呢一行啲人對你嘅意見係可以一日之內就改變晒!」

敏之和君馨:「我諗係《香港小姐》去到《舞動奇跡》,係一個好高峰,尤其是一個新嘅artist,第一個飲食節目係《日日有食神》,跟住好多好負面嘅聲音,啲人又乜都批評,乜都讚,跟住就乜都批評,咁你就會覺得原來呢一行啲人對你嘅意見係可以一日之內就改變晒!我都係好感恩,我係早啲跌,我係喺我嘅career最頭嗰一年就已經跌得最低谷,同埋之後所有嘢都會珍惜。」

而敏之亦有講到雖然自己現在看起來很樂觀,但其實是因為她以前經歷過,「我發覺係真係好容易有抑鬱,係極容易,你唔好睇我樂觀,但問題係你承受過,我都承受過,我拍咩劇都鬧,話我啲戲屎啊!唔好啊!講嘢唔好啊!總之我唔知啊,每一個身體部位都話過你唔好,甚至乎話埋你屋企人,都一定有啦,我會覺得你哋其實寫落去,或者你哋去留一個言,你可以令我哋有好多大個鼓舞,亦都可以令我哋跌落人生谷底。」

君馨是跳得之人,但原來也曾被串,她上跳舞班時,被旁邊的女生反白眼的說︰「嘩,呢個係王君馨啊?!」敏之不明白這個眼神是代表什麼,君馨說︰「我唔知啊,但係如果我喺紐約,我咪即刻串返佢囉!但係唔得㗎,我哋嗰時係香港小姐,我唔可以好真性情咁去對返其他人㗎嘛,所以我係停咗一輪(上堂)嘅。」她續說︰「我會覺得原來我去上堂,人哋覺得『嘩,呢個artist跳成咁嘅,唔該你企後面啦』,我feel到囉,可能佢唔係呢個意思。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟