28歲「靚媽」余香凝拍廣告不忘睇Cam望囡囡解相思

(大會)

現年28歲的余香凝,香港模特兒、演員、歌手。2011年開始當模特兒,屬Jam Cast旗下 ,並拍過不少廣告,於2016年開始參演電影,曾憑出道作品《骨妹》入圍第36屆香港電影金像獎最佳新演員。2017年她加入樂壇,推出第一支派台歌《你愛的人上》。早在今年5月,余香凝已榮升「靚媽」之列,除了忙住湊女,還密密做運動Keep Fit,身形火速回復最佳狀態。日前,她接拍補鈣食品廣告,除了瑜伽Look、運動Look外,更化身家庭主婦「下廚」,難怪她笑言「做番自己」。Jennifer直言是次拍攝非常開心︰「今次係一個幾開心同正面嘅廣告,因為做咗媽媽之後,講緊點樣Keep住自己嘅表現,大家知道身體好,表現先會好。」廣告拍攝當日要工作長達十多小時,所以Jennifer都有攜帶與女兒的合照放在拍攝現場,以解相思之苦:「家庭小朋友係放第一位,所以唯有自己辛苦啲,等佢瞓時,自己即刻去做嘢,或者真係等佢夜晚瞓時再專心睇劇本,到出街要做嘢,我當然好掛住佢啦,雖然今次廣告拍攝只係10幾個鐘,我已經不停不停睇cam ,好彩有工人姐姐同長輩幫手,都放心嘅,純粹好掛住佢,所以睇cam同睇佢啲相。」

至於是否「虎媽」?Jennifer說︰「我唔算係一個虎媽,但已經有諗定佢之後有可能去發展或者學習嘅地方,但係始終好睇小朋友本身性格,當然好想比佢試唔同嘅嘢 ,睇下佢鍾意啲乜嘢,但係佢試完唔開心或者唔鍾意,就會刪走去,唔會逼佢去學。」她又謂女兒有Camera sense懂得望鏡頭︰「會唔會好似我咁鍾意做戲唱歌?其實現在仲細,佢鍾意音樂、畫畫,或者好動鍾意打拳都冇所謂,我唔會話女仔一定要好斯文,佢鍾意做乜都得。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟