向海嵐入股投資保健產品 孖王賢誌做一日店長落力sell客

向海嵐(Anne)早前宣布成為保健產品「安迅康NMN」的星級代言人,近日索性「反客為主」,決定入股投資該保健產品,正式由代言人「升呢」兼任老闆。日前她與另一位代言人王賢誌(Vinci)身體力行擔當一日店長,到九龍站寄賣店力Sell自家產品,相當貼地!

兩位星級店長當天放下藝人包袱,落手落腳執頭執尾,由搬貨、執貨到上架都親自完成!在空檔時間,Anne不忘拿起「貓紙」溫書,惡補產品資料及成份。當有客人查詢時,Vinci 發揮「王牌司儀」口才,不費吹灰之力便成功Sell掂顧客!Sell客當然也難不到美貌與智慧並重的Anne,作為生招牌的她吸引不少師奶捧場客,更引來不少途人要求「集郵」,吸客力驚人。

事後他們接受訪問,Anne坦言體驗一日店長的過程緊張又驚險:「其實都有少少辛苦啦,因為自己好緊張,當有客人問嘢時要好熟悉產品資料,好驚自己會講錯,同時又好想做成單生意,唔多唔少都有啲壓力。」提到她由產品代言人榮升投資者,Anne 表示:「我投入程度好高,代言時已經好了解清楚產品,自己同身邊朋友都覺得呢隻產品有效,加上依家大家對保健品需求大,覺得市場前景唔錯,所以值得我投資落去。」

至於司儀經驗豐富的Vinci自言有一定的說服力,售貨時絕不怯場:「我覺得自己係個幾好嘅售貨員,因為我講嘢本身都有說服力,加上我真係試食過產品,所以客人聽完都好有信心。今日都唔算辛苦,一生人都冇乜機會做店長,我記得唯一一次係為慈善賣二手衫。」原來Vinci讀書時曾在茶樓推點心,所以搬貨執貨對他來說也是Easy Job:「搬貨唔算好操勞啦,我細個讀書時,屋企人移民加拿大開過一間中式酒樓,我有兼職做過『Busboy』傳菜推點心,嗰時仲操勞,所以今日呢啲算係好輕鬆喇!」

向海嵐入股投資保健產品。
向海嵐入股投資保健產品。
向海嵐入股投資保健產品。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟