【青年心城之撐起青春】游嘉欣現實中拒主動獻吻:對方冇咁珍惜!

無綫新劇《青年心城之撐起青春》昨晚萬聖節播出第四集。劇情講述飾演林正峰情敵的施焯日帶游嘉欣夜探鬼屋,遇上駭人紅衣女鬼,施焯日嚇至暈倒,及後阿峰趕至救出二人。獲英雄救美的嘉欣,見阿峰重拾初心變回積極,即喜極隔著口罩送吻;不過零拍拖經驗的嘉欣強調現實中不會如此主動:「成日覺得太主動對方就冇咁珍惜。」至於又要拍Kiss戲又要拍床戲的正峰,則笑言女友完全冇詐型:「因為收到劇本嗰陣,我都有同佢講會拍啲乜,包括床戲同接吻戲。同埋我哋對大家都有一定信任,佢仲幫我對戲添!」

喺嘉欣勁驚之際… …
阿峰出現英雄救美,然後嘉欣就主動獻吻喇。

阿峰與嘉欣一吻定情後,阿峰即積極工作、立志脫離日光族,卻多番受挫,求職期間慘遭白鴿眼、外送員身份備受歧視;與阿欣吃飯時,亦因經濟懸殊問題造成尷尬。最終阿峰「執包袱」離開共享空間逃避阿欣,不過阿欣似乎未想放棄…對於阿峰慘況,網民表現肉緊:「食碗拉麵嘅錢都冇?」、「佢唔係冇,係送外賣辛苦工,唔捨得咁使法」、「畀我就鬧爆面試嗰個女人,狗眼看人低」、「呢個女朋友幾好,肯幫男友埋單,為佢著想」。

另劇集開首的「撞鬼」戲,除有游游自毁形象以「負顏值」鬼臉「加持」;阿賢在極度恐慌下無厘頭高唱家燕姐經典名曲《皆大歡喜》,令紅衣女鬼亦無厘頭地以疑似霹靂舞回應,相當搞笑。游游受訪時透露拍攝當晚有怪事發生:「我同峰同Arthur拍完後傾計時發現,原來大家當晚都有頭痛、頭暈,但因為怕嚇親大家所以都冇講。」據知紅衣女鬼雖並非家燕姐真身,但卻與三名年青演員相當有緣,答案將於最後一集《青年心城》揭盅。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟