【青年心城之撐起青春】 黃紫恩處女拍爆喊戲一Take過 感激馬浚偉黃智賢教路

無綫新劇《青年心城之撐起青春》起用大量新一代演員擔正及演出,昨晚第二集焦點除了集中在兩位主角游嘉欣及林正峰身上,指他們樣子討好、演技亦可接受外,同時有兩位女演員彈出,分別是來自《#後生仔傾吓偈》的黃紫恩(JoJo)及王虹茵(Sharlene)。

黃紫恩呢一幕喊戲,網民覺得以新人嚟講表現不俗。

JoJo在劇中飾演大學生,由於家庭壓力沉重,故此急需搵工,可惜卻多番碰壁兼慘遇吸血鬼企業,結果返回共享空間時終情緒失控爆喊!雖然JoJo是首次飾演較重要角色,但據知是次喊戲除了一Take過完成,就連幕後工作人員及網民亦認為她表現理想,並有網民讚JoJo靚女,指她似「後生版林夏薇」。JoJo受訪時,先是感謝《青年心城》監製及導演給予她演出機會,並大談當日拍攝喊戲喜獲不少前輩支持:「同場嘅演員都好畀力我,幫我營造咗好真實嘅氣氛,我先喊到;同埋佢哋有教我點樣可以『撻著』喊嗰粒掣。最搞笑嘅係,我平時喊嘅時候,係會諗『唔好喊』 ,所以我拍嗰陣都係不斷叫自己唔好喊,結果反而喊得仲勁。」

黃紫恩飾演積極搵工嘅大學生,可惜波折重重。

JoJo又分享謂喊戲「可一難以可再」:「監製同導演都教我話,拍喊戲如果要好激動只有一次機會,因為喊完一次後成個人都會好攰,同埋會呆咗,所以對於自己幸運過到關我覺得好開心。」 另JoJo還特別感謝馬浚偉及黃智賢,事緣JoJo早前抽空到藝訓班Sit了10堂,結果喜獲兩位前輩鼓勵及指導:「佢哋有教我哋點樣面對自己,唔好收埋自己,又教我點樣做人,之後我啲情緒先出到嚟。佢哋真係好好人。」

黃紫恩之前趁工作空檔到藝訓班Sit堂增值,仲話好感恩馬浚偉教識佢好多嘢。

柔骨功折服網民

前藝術體操港隊代表Sharlene,小學三年級加入藝術體操行列,三年後加入港隊,並於中三那年摘下全國賽四項全能賽銅牌,戰績斐然。為夢想咬著牙關努力奮戰的她,在《青年心城》中飾演精通瑜伽的斜棟人,甫出場即施展「軟骨功」,結果成功技驚四座,獲大量網民讚「勁」!

王虹茵的出場方式相當特別,網民對於佢嘅驚人柔軟度表示佩服。

其實Sharlene來頭著實不少,於2012年退役的她,多年來沒有放棄在運動路上「衝刺」,現時更兼任普拉提、高強度間竭性訓練以及國際藝術體操教練!天生柔軟的Sharlene,為了保持狀態,每日仍抽空加以鍛煉:「我每日都壓腿至少五分鐘,同埋會向後拗腰。」

王虹茵雖然已經退役,但依然喺運動路上努力不懈。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟