雲海睇戲離遠點錯相 將安俊豪認錯係保錡

前商台節目主持雲海日前獲看電影《毒魔2》特別場,他在社交平台表示入場後遇上組合MIRROR及ERROR當中幾位成員,包括楊樂文(Lokman)、王智德(Alton)及何啟華(Dee),並指再離遠望見疑是梁業(肥仔)和保錡。

雲海表示︰「尋晚出嗰個post大家都知道我去睇電影公司《毒魔》IMAX特別場,好驚喜我右手邊坐咗幾個Error同MIRROR 成員,睇完戲我硬着頭皮問阿Dee影咗幅合照⋯⋯成晚都未冷靜完,細心再想清楚,坐我右手邊係Dee 再隔離係Lokman、再隔離係Alton,我再望遠啲,已經認唔到之後嗰啲係邊個,一來戲院好黑,二來佢哋戴帽戴口罩,所以我深信好多人其實唔知佢哋喺度,但係有一個謎團請大家網友幫手,因為佢哋行上黎嘅時候,我偷影左佢哋一幅相,我就認為其中灰色頭髮嗰個係保錡,隔離係肥仔!但係我朋友堅持嗰兩個唔係,等我睇完戲問其他朋友,朋友又認為佢哋係,網友可唔可以幫我認一認人,係咪保錡同肥仔?」

但不少網友看了相後「突破盲腸」,留言直指雲海「點錯相」認錯人,相中人根本不是保錡及肥仔,當日有份入場的小肥亦指︰「相中真係唔係保錡,不過佢係有嚟,我係有同佢打招呼嘅!」其後兩位相中人現身,雲海口中的「保錡」是安俊豪,而「肥仔」則是香港樂隊「神奇膠」主音日新,其中安俊豪表示︰「HI EVERYONE﹗令大家失望,白色頭髮係我嚟。
保錡依家剪咗短頭髮同埋啡色頭㗎﹗」

雲海fb圖
雲海fb圖
安俊豪IG圖
安俊豪IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟