【我家無難事】黃嘉樂HeHe情惹關注 網民:有冇機會做男一

黃嘉樂於無綫劇集《我家無難事》的HeHe情獲網民甚為關注,紛紛留言:「四眼妹(劉思希)有少少美腿,嘉樂完全冇生理反應,睇嚟真係堅愛楊明。」、「佢話同前女友分手後覺得女人好麻煩,可能因此轉基,佢依家似鍾意楊明」、「祝有情人終成眷屬」、「楊明由始至終都係當嘉樂好兄弟」。而對於嘉樂是次演出,網民近乎一致好評:「有冇機會做男一?」、「幾型,可造之才」、「外型同戲路似初出道嘅黎諾懿」、「好靚仔」!

黃家樂於劇中的HeHe情味濃。(影片截圖)

此外,鮑起靜飾演的慈愛活力媽子羅美蘭離世後,神秘人關禮傑的出現令郭家掀起不少漣漪,忠石真正身份及與美蘭關係更困擾着劇中各人及觀眾。向來有偵探頭腦的網民,一直對關禮傑身份諸多揣測,上周末有人開始懷疑楊明並非鮑起靜親生仔。

黃嘉樂於《我家無難事》中的演出都相當有層次。(影片截圖)

昨晚的劇情講述楊明遭衰上司崔樊亦敏出賣孭上巨債,關禮傑出頭為他討回公道,期間楊明意外聽到關禮傑爆出一句:「佢係我個仔。」驚爆二人父子關係。對於相關發展,網民似乎早有心理準備,更留言指楊明與關禮傑似樣:「輪廓有啲似,都係面圓,嘴細,官仔骨骨。」

樊亦敏呢個上司都真係好鬼衰!(影片截圖)

不過據知事態發展並非如此簡單,下星期劇情將會進入新一輪高潮,除了楊明及關禮傑,將有另一段關係驚爆更出人意表發展,絕對值得期待。搞笑的是,對於得明遭上司崔姑娘出賣甚為氣憤,紛紛留言:「唔應該畀佢(崔)咁着數,繼續追佢還錢!」

黃嘉樂於劇中同劉思希亦有感情線。(影片截圖)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟