【思家大戰】朱凱婷直指李思捷「衰鹹濕」 Bob臨尾香輸遊戲網民戥唔抵

李思捷主持及監製、獲瘋魔全球45年的趣味民調遊戲節目《Family Feud》所授權製作的香港版全新遊戲節目《思家大戰》,昨晚(29日)在無綫首播。首集嘉賓有林盛斌(Bob)及朱凱婷,二人帶同家人及朋友亮相節目!由於首集內容峰迴路轉,播出後引發網民熱議,不少人認為由頭帶到尾的Bob,最後因為「西隧」一役「衰得唔抵」。

今集根據100人隨機做出的民意調查答案趣味性濃,首個焦點問題絕對是「講出一個李思捷最乞人憎地方」。為營造氣氛,李思捷發問該條問題時多番做出反眼、無奈等表情,不但搞笑謂:「求吓你呢個回合快啲玩完」,又笑指要向節目編審算帳!結果回答者中以朱凱婷及林盛斌最大膽,前者直指思捷「衰鹹濕」、後者則一輪嘴指控思捷串,獲得全場熱烈歡呼。最終思捷乞人憎排行榜答案依次為:「樣衰/自以為靚仔、唔睬人/目中無人、鹹濕/猥瑣/淫賤/撩女/下流/花心、懶好笑、成日爆粗/刻薄/鬧人、淨係識抄橋、自以為好紅。」

節目其他問題同樣吸引大批網民討論,例如「即食麵配搭甚麼最好味?」及「講出一樣Size愈細愈冇用嘅嘢」等。Bob回答「Size」問題時大拋金句:「一個人最緊要有勇氣,所以個膽愈細愈冇用」,獲網民大讚絕核;其中不止一人跪求出名腦筋急轉彎的農夫參與錄影,直指可增加節目觀看性!

另有網民指出節目好看原因是夠晒「估你唔到」,原本一直遙遙領先的Bob,最終因為四叔緊張,答錯「西隧」為「香港最經常使用嘅過海隧道」衰收尾,引發網民洗版式嗌唔抵,足證網民投入度。網民又謂由於問題易答兼夠生活化,故全家昨晚在電視機旁玩得相當過癮,並謂比起問艱辛問題的遊戲節目更具吸引力。而經過一輪出人意表的民調答案競猜後,最終朱凱婷與老公殺入最終環節「終極開口中」,並成功贏走五萬元獎金獎品,全場因而勁興奮,朱凱婷更開心至飛撲吻賀老公!

為了令家庭觀眾有份感受遊戲的過癮之處,無綫昨晚在官方臉書增設《思家觀眾大戰》有獎問答遊戲,由即日開始至9月1日(星期三)中午12點,大家只需按入官方提供的遊戲連結,答中「問咗100位TVB台前幕後同事,講一個TVB成日萬歲嘅藝員」的第一名民調答案,就有機會贏取HK$1000 Big Big Shop電子優惠碼,得獎名額共有五個。

《思家大戰》日前正式出街。
《思家大戰》日前正式出街。
《思家大戰》日前正式出街。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟