敖嘉年廚藝了得好「炒功」自爆細細個就好鍾意拋鑊

由陳倩揚化身星級導師與連佳麗 (Kelly)、林靜莉( Jeannie)、張嘉凝 (Jace)等主持的香港開電視節目《你得我得大家得》,將於周五播最後一集,邀請了敖嘉年做壓軸嘉賓,原來敖嘉年不只是素食者,他的廚藝還很了得,期間更在鏡頭前「露兩手」展現純熟的「炒功」。

節目中,敖嘉年分享了素食心得,原來他是於5、6年前加入素食行列,他表示:「5、6年前喺內地拍嘢,因為好怕食肥膩嘢,於是叫劇組烚菜、蛋同豆腐,食食吓就習慣咗,返香港之後繼續試吓食素,其實轉嘅過程好辛苦,因為開外景通常食叉雞飯,一打開飯盒聞到好香,自己好似俾蟻咬咁,不過慢慢過渡咗之後就OK。」

席上,敖嘉年還展現熟練的廚藝,陳倩揚指對方其實是大廚,敖嘉年說:「爸爸做廚房,我細細個喺廚房煮嘢好鍾意拋鑊,拋到周圍都係,畀老豆鬧,不過而家無火煮食,拋唔到鑊。」敖嘉年又表示跟陳倩揚已十年未有同框演出:「嗰時同你(指陳倩揚)拍節目,你啲小朋友都未出世,又未結婚;拍完個節目,你又結婚、又生仔。」

敖嘉年廚藝了得。
敖嘉年廚藝了得。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟