蔡嘉欣被網民批拜金而飛前度 發文平反:我係被分手的

蔡嘉欣自參選港姐入行後,便不時成為網民攻擊的目標,日前在IG上分享放狗相,才被網民炮轟帶狗狗在馬路邊散步時未為愛犬戴上狗帶,搵狗狗的命較飛,被質疑唔識養狗。最近她舊情史又被網民翻出,指她當年因拜金而狠飛前度男友吳子冲,面對網民排山倒海的質疑,蔡嘉欣在IG上發文為自己平反。

蔡嘉欣表示︰「已經入行2年,相信大家對蔡嘉欣了解唔深,我自己都學習了解自己多啲,從來都係一個唔喜歡解釋嘅人,所以藉住今次畀大家了解我多啲。簡單來說,5年前我係被分手的,分手原因我都唔想去回憶,畢竟已經事過境遷,放下雖則放下但朋友是做不來的,至於現任係分手後一段時間因為緣分而結識的。謝謝大家的關心和理解,我會繼續努力做好自己的工作。」

蔡嘉欣被網民批拜金而飛前度發文平反。
蔡嘉欣IG圖
蔡嘉欣IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟