林芊妤迫囝囝日返兩幼稚園 原來同大頭蝦有關!

(IG)

日前,現年31歲的辣媽林芊妤(Coffee)在 IG動態上載了兒子伯伯的返學片段後,再上載了她與網友的對話截圖,Coffee向傳媒表示,伯伯接下來一星期,將會分別出現在St. Cat的PN班以及綠茵的K1班。「其實真係因為自己報錯班,所以呢幾日會比佢返St. Cat睇下會唔會好悶,今日見佢上堂唱歌、跳舞都投入,但有啲位都覺得佢悶;下星期就會返綠茵,唔會一日返兩間啦,雖然我知有唔少家長有咁做,但呢個唔係我style。我都有同佢解釋係因為媽媽搞錯咗所以有咁嘅安排,佢自己似乎係鍾意綠茵多啲,應該係因為阿伯性格,唔係咁鍾意環境改變,哈哈!本身安排佢讀PN班係想佢成熟啲,但老師都話佢已經夠晒熟,真係好似阿伯咁。」

Coffee透露其實除了以上兩間學校之外,英基國際幼稚園以及啟思幼稚園亦都取錄了伯伯,但Coffee本人偏向St. Cat。「而家都好掙扎,因為如果佢繼續喺綠茵讀,到報小學時會因為細B關係而有啲蝕,但呢間學校先生都好錫佢,同埋佢哋都有話過雖然BB係全班最細,但表達能力係頭幾位,有叫我唔使擔心太多。雖然我覺得佢讀多年PN班唔會死,因為其實上年大部份時間都喺屋企上堂,但老公就覺得如果佢有能力讀K1點解唔去試,所以我而家都睇緊St. Cat安唔安排到佢轉K1,不過我知條隊都排到好長。」Coffee表示由於發現有家長在組指討論她安排伯伯日返兩間學校,怕被誤會才公開說明:「不過我做咩都一定有人話錯架啦,預咗,雖然今次真係自己大頭蝦報錯。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟