ANSONBEAN推出首隻派台歌 MV同女主角面貼面嚇到彈開

今年初成為寰亞傳媒集團及天下一集團合組的「Cool Style」首位藝人, ANSONBEAN陳毅燊首支派台作《CRUSH(oh no!)》終於隆重登場,公司落足重本拍攝MV,加入大量CG特效,日前更舉行大型MV首播會,廣邀傳媒及友好,前來欣賞ANSONBEAN的處男作品,場面熱鬧。

《CRUSH(oh no!)》雖然是一首party feel的跳舞快歌,但歌詞講述少男少女相遇的甜蜜時刻,MV內的CG特效,更將ANSONBEAN化身成遊戲機內的跳舞少年,帶著混血兒MV女主角四圍去。二人拍拖的畫面,除了離不開大家熟屬的電子遊戲,導演在拍攝上,也刻意加入一些親密互動,例如要ANSONBEAN拖著女主角的手,甚至要兩人面貼面幾乎親嘴的鏡頭。

只有20歲的ANSONBEAN,雖然練得一身好舞功,但私底下其實相當怕醜,拖著MV女主角的手,ANSONBEAN還能駕馭,但當要他跟女方面貼面時,怕醜仔嚇到成個人彈開,一眾幕後工作人員看到此情此景也忍俊不禁,但ANSONBEAN堅稱「彈開」只是拍攝效果,他說:「其實劇情講我喺間餐廳帶女主角去玩嘅場面,係囉!個距離有少少近,啲人以為我驚所以跑,其實係劇本嚟嘅,所以呢我唔係好驚,只係有少少驚啫,好似好近咁,其實冇嘢嘅!」

對於公司投放大量資源在自己身上,ANSONBEAN變得一本正經說:「好感恩,公司對我好好,MV玩咗好多個場景,又有CG,仲有好多dancers,服裝都好特別,你睇吓我隻眼,係藍色㗎(隱形眼鏡),MV裡面仲會扮揸車,見到公司花咗好多心思去製作呢個MV,所以我係好感恩!」

自少受媽媽薰陶熱愛跳舞,ANSONBEAN在開拍前用了三天時間排舞,更找來在參選《全民造星3》時已合作無間的排舞老師Geoff,為 《CRUSH(oh no!)》設計型爆舞蹈。MV導演安排ANSONBEAN與六位舞蹈員,在一個位於大廈天台的有盍球場拍攝大型跳舞場面,雖然無需日曬雨淋,但由於當日天氣比較悶熱,每拍完一個鏡頭,工作人員便要為滿頭大汗的ANSONBEAN抹汗補妝,還要遞上手提風扇給他降溫。

「其中一個場景喺係天台拍攝,我諗住會曬住陽光跳,但原來有瓦遮頭,冇原先諗咁熱,但其實熱吓都好嘅,不過最開心係同跳舞老師Geoff可以再合作。」

整個MV拍攝,一共轉了四個不同場景,ANSONBEAN由早上八點開始埋位,直踩到凌晨才收工,大部份時間都要同其餘六位dancers一起跳舞,但年輕的ANSONBEAN,卻愈夜愈精神,問他最想公司如何獎勵自己?ANSONBEAN搞笑說:「可以拍完個MV已經係一個獎勵,同埋最緊要有埋盒叉雞飯!好肚餓,哈哈!」

ANSONBEAN推出首隻派台歌MV。
ANSONBEAN推出首隻派台歌MV。
ANSONBEAN推出首隻派台歌MV。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟