莫文蔚為經典歌注入新生命 新紀錄片挑戰高難度現場收音

在2021年,莫文蔚(Karen)馬不停蹄忙於製作專輯《The Voyage》及紅館個唱外,其實她亦與團隊炮製了《The Voyage – Visual Album Documentary影像專輯製作紀錄片》,前晚她特別現身中環大館洗衣場石階,聯同她共同擔任專輯音樂監製的Edward Chan及視覺設計總監 Kenji Wong,與嘉賓一同觀賞紀錄片首播外,眾人亦即席解構這次影像專輯紀錄片的製作點滴。

28年來,Karen 所經歷的音樂旅程讓她走遍世界各地,回到香港這個起點泊岸,Karen有感香港樂迷都等了20年,是時候炮製一張廣東專輯答謝大家的耐心等待,《The Voyage》也因此應運而生。《The Voyage》除了收錄新歌〈婦女新知2021〉、〈因一個人而流出一淚滴〉及〈原來…… 甚麼都有可能〉外,另外還收錄了以現場收音、重新灌錄的經典及大熱作品,包括:〈The Way You Make Me Feel〉、〈戀一世的愛〉、〈初戀〉、〈北極光〉及〈呼吸有害(Rooftop Live)〉。為了讓樂迷可以欣賞到Karen在現場收音灌錄歌曲時的精彩演出,製作團隊特別製作了《The Voyage – Visual Album Documentary影像專輯製作紀錄片》,將Karen在不同場地的錄音過程拍成MV,然後加上Karen的獨白,樂迷可藉著這套紀錄片,睇MV的同時也可以窺探Karen的內心世界。

在前晚的首映會中,大會首度播出《The Voyage – Visual Album Documentary影像專輯製作紀錄片》外,Karen在席間亦談及揀選舊歌重新灌錄的原因,她說:「其實呢個係好大嘅挑戰,因為啲歌已經係一個經典,但要為佢注入新生命係好有挑戰性嘅事,但我又好鍾意挑戰,有幾隻歌成日會諗如果可以以第二種風格去演繹就好喇!譬如《喜劇之王》呢套戲已經成為大家心目中嘅經典,〈The Way You Make Me Feel〉同埋〈戀一世的愛〉呢兩隻歌都走唔甩。」為了為歌曲加多一層意義,團隊亦帶Karen到《喜劇之王》的拍攝場景 – 石澳健康院拍攝,並以現場收音錄歌,身為音樂監製的Edward 則道出製作上的難題,他說:「由於現場收音,錄音時亦會錄到現場的風聲海浪聲,喺解決技術性問題上係好大嘅挑戰;附近嘅鄰居又會睇我哋錄音,如細心去睇MV,會發現某啲畫面會有佢哋嘅出現。」至於負責《The Voyage》專輯企畫及MV構思的Kenji,則指紀錄片中的MV其實都有關連,他說:「視覺上係有少少關係,但全部都係from Karen嘅經歷,我哋消化完就化成影像,例如喺石澳健康院取景,就係想重製《喜劇之王》場景。」

在欣賞過《The Voyage – Visual Album Documentary影像專輯製作紀錄片》後,Karen為大家帶來驚喜,首度公開《The Voyage》實體專輯內裡乾坤。《The Voyage》除了是一張專輯,同時亦是一本書,每首歌各佔一章,當中除了靚相外,更有巧製小心思,例如是Karen的自家Tiramisu食譜,她解釋將食譜放入專輯內的原因,道:「今次有首新歌〈婦女新知2021〉係舊版〈婦女新知〉延伸,如果大家記得舊版有教大家整Tiramisu,而我最拿手就係做Tiramisu。我有個舊同學,喺英國讀書時佢問過我拎個食譜,當年我手寫咗俾佢,佢keep咗30年,而家仲用緊個食譜,仲話真係好好食呀!於是我就叫佢俾我影返低,擺返入專輯裡面。」Karen笑言,今次《The Voyage》有歌聽、有書睇,還可以有食譜跟著下廚呢!

莫文蔚為經典歌注入新生命 。
莫文蔚為經典歌注入新生命。
莫文蔚為經典歌注入新生命。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟