馮允謙與張天賦終於首次見面 合唱英文歌鬥飆高音

早前在《第三屆KKBOX香港風雲榜 》奪得「年度編輯推薦歌手」的Jay Fung馮允謙,是繼今年初在《叱咤樂壇流行榜頒獎禮》獲頒「叱咤樂壇唱作人」銀獎後,再一次為他的創作路打下強心針,努力寫歌的他,近日為樂壇新人MC張天賦作曲的新歌《反對無效》,獲外界一致好評,MV在YouTube點擊更突破二百萬。

日前MC便邀請了Jay一起走進錄音室,合唱《反對無效》英文版《How Many Times》,以及Jay的新歌《因愛之罪名》英文版《Can’t Stop Myself Tonight》,兩首歌的曲及英文歌詞,均由Jay親自譜寫,充分表現出他音樂才子的一面。

7月15日《How Many Times》合唱版率先上載到MC的個人YouTube頻道,短短一星期便衝破34萬點擊,昨晚(7月26日)兩人另一首合唱歌《Can’t Stop Myself Tonight》,亦已上載到Jay的個人YouTube頻道,短短一天,點擊已過萬次。

當日錄音,兩人雖然是第一次見面,但Jay對後輩非常照顧,由於兩首歌的高音部份相當之多,Jay於是細心地指導心情緊張的MC一些飆高音小技巧,未幾,兩人已在鏡頭後又唱又跳,很快打成一片。

「今日可以邀請到阿Jay上嚟同我合唱兩首歌,我好開心,又好緊張,之前聽人講阿Jay份人好nice,而家見埋真人,真人原來更加nice。」MC難掩興奮地說。

Jay見狀,發揮了他的搞笑本色說:「我想講,你首歌真係好好聽,哈哈!唔係因為首歌係我作,而係你真係唱得好好,你唱得咁好聽,我冇可能唔nice啦!」

MC回想當日收到《反對無效》的demo時,聽到前奏,便愛上了這首歌,他說:「Jay喺個demo一開頭有段ad-lib,我一聽到就同同事講『得嘞!我要呢首歌!』我好想學到你嗰段ad-lib,但我到而家都精通唔到。」

之後Jay順應MC的要求,現場演繹該段ad-lib,還鼓勵MC:「其實辛苦晒MC,因為《反對無效》呢首歌好高音,好難唱,但MC唱得好正,啲高音好正,我之前有睇你《全民造星2》,知道你唱歌好好聽,下次不如我再寫隻飆高音嘅歌俾你。」

馮允謙與張天賦合唱英文歌鬥飆高音。
馮允謙與張天賦合唱英文歌鬥飆高音。
馮允謙與張天賦合唱英文歌鬥飆高音。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟