《盛‧舞者》第二輪齊舞大戰 君馨隊街霸造型夠吸睛

無綫綜藝真人Show《盛‧舞者》,昨晚(12日)播出第六集,上集講到麥秋成率領的「TX Crew」因輸了Crew Battle要Foul人,最終早前在節目中透露自覺唔夠班的孖8徒弟Timothy,主動要求離隊成就大局。

秋成直認失望

秋成透露原本他的選擇並非Timothy,並直認失望:「我畀咗三次機會,佢都話要走…一個團隊要繼續行,心態好緊要,我知道佢係自我犧牲,但有時候要進步係要自己爭取。」Timothy則直指不想拖團隊後腿:「我覺得自己跳得唔夠好,缺乏自信,影響咗整體表演同分數,我太內疚。我覺得我離開大家可以行得更加遠,始終有一個人要走。但我承諾我自己,喺跳舞上一定繼續進步!」之後更哭著大叫:「我真係好鍾意跳舞。」秋成及其他隊員聞言亦表現傷心,眾人最後相擁落淚,場面感人。

輪椅舞衝破身體限制

經過一輪激烈對決後,節目組帶了一眾參賽者到饒宗頤文化館欣賞中心思想為「DANCE FOR LIFE」的舞蹈表演,希望眾人可從而有所啟發。整場表演中,以雙人鋼管舞及輪椅舞最為精彩感人;輪椅舞表演者Cindy事後發表感人言論,直指舞蹈可衝破身體限制:「只要鍾意跳舞,就可以踏出嚟一齊享受。我覺得舞蹈隨心,聽到音樂自然就會郁。」

狄易達有望扳回一城

而今晚(13日)第七集,新一輪以「The Story」為題的大對決即將展開,王君馨、秋成及狄易達隊,分別演出「珍惜」、「皇者」及「初心」為主題故事的舞蹈。首輪對決中獲得最低分數的達仔隊,第二輪對決將獲得極高評價;君馨隊則繼續玩吸睛以「街霸」造型上陣,配以娛樂性甚高的舞步,大有潛質成為新一輪贏家!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟