《#後生仔傾吓偈》船P見血? 馮盈盈腳趾公爆血入院縫六針

無綫綜藝節目《#後生仔傾吓偈》一班主持馮盈盈、戴祖儀、陸浩明(6號)、孔德賢、黃凱儀(波波)等等早前走出錄影廠,齊齊出海開船P,寓工作於娛樂!不過盈盈開工期間竟發生意外,不但血流如注,更因而入院綘了六針,十分誇張!

今日(9日)下午受傷未愈的盈盈,在助手摻扶下一拐一拐現身《#後生仔》錄影現場;穿著拖鞋的盈盈,右腳腳趾公「包到成隻稯」咁,行動力亦大受影響,需要助手常伴身邊幫忙。開朗的盈盈依然與現場工作人員有講有笑,期間更遭同事封為「縫六針」,令她哭笑不得。

及後盈盈接受無綫娛樂新聞台主播許文軒(Edmond)訪問時,笑著「還原」事發經過:「嗰日其實我已經唔使玩啲好激烈嘅水上遊戲,只係留喺船上面做好主持嘅工作,點知偏偏我係最傷嗰個。」盈盈指當時可能未有為意船上翹起了的鐵片,結果腳趾公因而遭殃,她說受傷當刻沒有半滴血,但過了數秒後即時血如泉湧:「界親嗰吓好似畀紙界到手咁,唔係好痛,但現場同事就好緊張,同埋見到有塊皮反咗出嚟。跟住我就用水沖個傷口啦,呢個時刻啲血就係咁湧出嚟喇。」

盈盈又謂到了醫院後,聽到醫生表示需要綘針後才知事態嚴重,更嚇至哭了出來。她又笑指原來打麻醉針才是最驚嚇:「打針先係最痛架!支針一拮落嚟,我就尖叫咗出嚟,全個醫院都聽到。我唔知係咁,因為我第一次縫針咋。」盈盈又表示要感激同樣受了腳傷的6號雪中送炭:「佢有個透明膠袋,可以喺沖涼嘅時候包住等傷口唔會入水,我就問佢借咗嚟用,佢話好彩佢未掉。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟