C AllStar拍新歌MV三缺一 扮火場逃生要血流披面

演唱會舉行在即,C AllStar除了忙於綵排和練歌,日前為合體後第三首新歌《沒明日的恐懼》拍攝MV。這歌是他們成軍以來,首次演繹成員何建曦(Jase)填詞作品,四子顯得份外投入賣力。其中一幕火災戲,Jase 與陳健安(On仔)和吳崇銘(King)化了頭破血流妝,進出火場救火救人,King幾乎被火燒到背脊,On仔揚言底褲都濕透。偏偏三缺一,釗峰去哪兒?他們大賣關子,透露他另有「任務」。

延續之前《集合吧!地球保衛隊》和《留下來的人》兩首歌的MV故事發展,新歌《沒明日的死懼》MV,C AllStar四子各有角色,各有任務,On仔說:「新歌同之前兩首歌有承接,而今次新歌班底都係第一次合作,作曲和編曲嘅林家謙,填詞人何建曦,即係Jase。」Jase說:「《沒明日的恐懼》MV故事係個世界剩低好少人類,每個人都有角色前設,我係有錢佬,On仔係流浪漢。雖然MV唔係完全跟據歌詞拍攝,但意念都係一樣:『如果沒明日,大家點樣自處呢?』」On仔續說:「所以導演以一對男女主角兩日後要分離嘅故事嚟表達,呢兩日佢哋會做咩?」

其中一幕火災場景,On仔、Jase和King預先以特技化妝弄得血流披面,傷痕累累,前往上車路上扮流氓扮被打傷,但沒有途人上檔,好搞笑。King笑說:「因為做唔到世界末日大場面嘅悲壯場景,所以我哋用一場火災交代。剛才我哋同啲火好接近,幾乎燒到背脊。(Jase問:有冇燒起你對音樂團火?)燃燒晒!」On仔聽到有爆炸聲,說:「剛才唔只火勢好勁,仲有爆炸添!」King坦言好驚!他們又稱導演預先叮囑他們「帶多兩條底褲」,結果他們都以為導演講笑,King說:「我以為救火嘅水會噴濕我哋,點知係因為來回跑入火場,全身濕透汗水。」拍攝順利完成,驚險過後On仔變得好風騷,穿著黑色背心的他唱《友情歲月》歌詞「消失的光陰散在風裹」。好唱口因為就快紅館開騷,對於門票火速售罄,他們齊聲表示希望加場,更揚言:「100場都唱呀!」

MV中火災重頭戲,C AllStar 卻三缺一,原來釗峰另有任務,他說:「我3個兄弟去救火,點解我唔喺嗰度?唔透露,俾大家想像空間。C AllStar 喺MV幫男女主角收集回憶,而我角色就好似個壞人,將紀錄咗佢哋美好片段嘅錄影機關掉,好似一下子毁滅晒所有回憶咁。」而另一場戲,On仔和King與男女主角「最後晚餐」後道別,On仔忍不住眼濕濕,但King表現冷靜。Jase見怪不怪,說:「King最冷靜,上次紅館唱《此刻無價》,我哋3個喊到停唔到,唯獨佢企喺一邊望住我哋,冇喊。」King解釋自己只是用另一個方式去投入當時氣氛,只是沒有流出眼淚。

C AllStar拍新歌MV三缺一。
C AllStar拍新歌MV三缺一。
C AllStar拍新歌MV三缺一。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟