何廣沛自爆曾遭珍姐勸「退」 郭子豪親揭失場真相

林盛斌(Bob)、江美儀主持的無綫J2綜藝節目《及時雨信貸特約:Mean Talk》,由於主持功力深厚,受訪嘉賓真情流露,自播映以來話題不斷。今(23日)晚新一集嘉賓請來何廣沛、郭子豪及方紹聰,份外熟稔的三子言談間不斷互寸,子豪更連美儀姐都窒埋一份,場面搞笑。

近期以Mean見稱的美儀及Bob,讀出三子大量負評,其中何廣沛被抨擊:「把聲真係好難聽!耳朵流產呀!」廣沛聞言直認最近遭珍姐(曾勵珍)「提點」:「佢話我講嘢真係唔得,做得好差,不如唔好做呢行啦!嗰刻我終於知道嚴重性。」他又指曾在珍姐房間練習英文咬字長達一小時,並謂十分感激珍姐培育及耐心教導。

郭子豪則被追問當年鬧至滿城風雨的失場事件:「當時係種種原因導致自己入面亂晒籠,原因包括屋企,當時同前女友關係處理得唔好。總之唔想見人,有情緒問題。我直頭熄咗手機幾日,匿喺屋企。」子豪更感激當時劇集監製潘嘉德的暖心慰問。至於方紹聰,則大爆好友孫慧雪「義氣事件簿」,期間美儀與Bob更即場致電雪雪「套料」兼逼供!

子豪又自揭與女友鄧卓殷的肉麻點滴,原來從兩年前開始,二人每晚均會開住video call入睡,令美儀與阿Bob大嘆「Sweet得嚟好癡線」,子豪續說:「瞓住都唔會熄架部電話,第二朝瞓醒又見到對方咯。如果佢仲未醒,我咪開住個call做住自己嘢先。」

何廣沛自爆曾遭珍姐勸「退」 ,郭子豪親揭失場真相。
何廣沛自爆曾遭珍姐勸「退」。
郭子豪親揭失場真相。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟