【思念即地獄】馮允謙演殭屍獵人 全日不苟言笑

 

馮允謙殭屍獵人造型感覺冷酷。

唱作歌手馮允謙(Jay Fung)之前多首歌的MV都以太空未來世界為背景,特技效果非常突出,是以新歌《思念即地獄》MV 特別令人期待,故此唱片公司找來電影演員談善言及岑珈其演出,以配合MV 的吸血殭屍原素,而身分為殭屍獵人的Jay Fung也手持一支古典手槍,配合一身深沉魅幻紳士造型參與演出,為了放低正氣形像投入角色,Jay Fung更刻意全日不苟言笑「扮衰人」。

談善言(右)及岑珈其參與MV演出。

Jay Fung說:「黃偉文寫嘅歌詞係講遠距離戀愛,而當中思念嘅痛苦令你感覺好似身處地獄咁,所以導演就提議用殭屍與人戀愛嚟表達果種遠距離。故事主要由談善言及岑珈其演出,我角色造型係一個殭屍獵人。其實開頭我有提出話想做吸血殭屍,但因為大家話我一向都好正氣好乖好紳士,冇說服力,所以我今日全日都唔敢笑,內心要不斷提醒自己諗啲好壞好衰嘅嘢,令到成個人感覺冷酷啲。」

不過Jay Fung 在現場最後關頭仍不時向導演爭取加戲,他説:「導演我拍對咀唱歌鏡頭時可唔可以特別啲?」導演陳偉武:「咁如果有時間就拍埋你吊威也飛嚟飛去啦,不過今日應該唔夠時間,下次啦。」

自己也曾深受遠距離戀愛之苦的Jay Fung,形容導演用人與殭屍陰陽相隔,來表達遠距離思念對方的痛苦,實在令人非常感動,導演陳偉武指出:「首歌係講遠距離戀愛,然後好痛苦互相思念對方,但其實描寫深刻愛情痛苦都見過好多,若果想形容果種痛苦好似俾人刺咗一刀咁,或甚至好似 MV 入面咁要流好多血嘅,個感覺會唔會再深刻啲呢?所以就安排Jay Fung 做一個殭屍獵人,佢呢身造型加埋支槍,好有說服力。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟