【拆彈專家2】洪天明片場聚天倫 勾童年回憶

周家蔚早前趁洪天明拍攝新片時,帶同兩個兒子前往探班,令天明勾起童年時跟到片場探父親洪金寶的回憶。

周家蔚帶同兩個囝囝探班。

洪天明與倪妮《拆彈專家2》飾演反恐部隊,早前拍攝一場跟恐怖組織對戰的場面,鏡頭前氣氛緊張,鏡頭後卻一遍溫情洋溢,皆因天明太太周家蔚,帶同了囝囝洪大仁(TJ)、洪竟琋(JT)到場探班,天明跟仔仔見面,立即愛的抱抱,又攬又錫。

洪天明於新片中飾演反恐部隊。

為爭取與囝囝天倫共聚,未埋位的洪天明不惜放棄休息時間,在片場跟TJ、JT大玩捉迷藏,TJ更對天明身上的裝備充滿好奇;對於囝囝探班,天明自言勾起不少童年回憶:「我以前細個就係咁樣喺片場陪爹哋(洪金寶),跟武師跳下彈床、玩下玩下就過一日,主要畀老豆見吓我!就好似TJ、JT咁,其實佢哋嚟探班,我都驚佢哋悶,但事實上佢哋覺得好好玩,見到所有道具都摸下,而我又好開心見到佢哋,感覺好sweet。」

洪天明大仔TJ對裝備大感興趣。

提到TJ對他身上的反恐裝備甚感興趣,天明表示:「哥哥(TJ)好鍾意玩槍、做super hero,細佬(JT)就鍾意玩女仔玩具:洋娃娃,又鍾意粉紅色、又鍾意做公主同着公主衫。」問到天明將來會否希望兒子繼承衣鉢做演員?他即謂:「我會同我爹哋一樣,唔希望自己小朋友入行,因為娛樂圈發展唔容易成功,唔係你話幾勤力就會成功。其實作為家長,我覺得最重要係品格,將來大個佢哋成功與否、做咩行業,靠佢哋自己,但基本上人品要好。」

讚倪妮有Heart

洪天明今次在《拆彈專家2》中跟倪妮有不少對手戲,他大讚對方是個非常開朗的女演員,而且容易溝通,每件事都會親力親為,有些鏡頭導演沒有要求她親自上陣,她都會自己去做,覺得佢她好有Heart。

洪天明(右)讚倪妮每樣事都親力親為。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟