【拆彈專家2】夥劉青雲拍戲默契依舊 劉德華：同姓三分親

談及該片有不少爆破鏡頭，兩人都大讚劇組安全至上，試了多次才會上陣。青雲說：「以前真係好多時未試清楚就拍咗先算，現在就會試得好清楚，可以爆一次畀你睇，呢點好重要，拍之前你大槪知道係點，我記得之前拍救火場面，係用真火去燒，先點着明火，跟住用石油氣去谷啲火出來，我哋係完全無用電腦效果，真係好難忘。」

二人片中有一場被吊到八層樓的高空拍攝車內鏡頭，華仔說：「我梗係驚啦，我都係人來嘅，都有畏高嘅。除咗拍戲之外，我係唔會參與任何危險活動嘅。」青雲亦同意作為演員，更指這個心態很正常。

講到二人都曾合作過搞笑賀歲片，亦成為新春必備的節目，華仔和青雲亦希望再拍喜劇，希望可以是傳達一些訊息，有內涵的喜劇。