陳凱詠捲入三角戀 不覺顧定軒追求

陳凱詠(Jace)近日捲入三角戀,她於解釋與導演陳健朗及顧定軒都是相識已久的好友,又自言不覺顧定軒有追求之意:「依家我同工作熱戀。」

陳凱詠近日捲入三角戀。

Jace最近捲入三角戀風波,她被指與導演陳健朗發展過地下情之後分手,一直與她是好友的顧定軒就力追,最終成功打動Jace,但陳健朗卻又回港與Jace復合。問及此事,Jace嘆了口氣說:「我好驚啊,因為未試過有呢類型嘅新聞,所以見到就:『吓,咁搞笑嘅?阿爸阿媽又問係咪真㗎?驚呀﹗』但係都多謝大家咁關心,其實我哋三個係識咗好耐嘅朋友,所以見到呢啲新聞就會覺得好有趣。」

陳凱詠指與陳健朗及顧定軒是識好耐的朋友。
顧定軒(資料圖片)

Omi亦表示與三位都分別合作過,亦覺得單新聞好搞笑。Jace笑道:「加埋你啦?哈哈!」Omi就耍手擰頭說大家只是工作關係一起合作,Jace亦澄清和兩位都是好朋友,很開心2020年大家在不同的範疇都有好的發展,希望2021繼續努力。問到與陳導是否曾經有段情?她就謂和陳導是很早認識的朋友,現在對方忙於拍戲,知道他有很多工作要兼顧,自己亦有新歌推出,會繼續互相支持,希望對方可以找她拍戲,Omi亦笑說已跟導演自薦,兩人就說要一起找導演合作。

導演陳健朗(網上圖片)

問到與顧定軒的關係?她表示這個朋友認識得更久,因此會邀對方拍MV,亦很有默契,大家可攬頭攬頸,因為是她入行以來最早認識的朋友,見到對方的發展很好也很開心。那她是否覺得顧定軒有追求之意?「梗係無啦,佢又忙,都唔知睇唔睇得起我啦,我又吱吱喳喳又吵,都係做朋友兄弟算啦。」(是否沒有發展機會呢?)未來的事很難說。」問到有否試過三角戀?Jace表示沒有:「男女關係最好清清楚楚,咁樣好忙,實在太難處理,又要講大話又要分身,依家我同工作熱戀,希望可白頭到老、永結同心,哈哈。」

陳凱詠(左)與鄺芷凡主持香港開電視節目《潮聖導賞團》默契十足。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟