57歲苑瓊丹「踩過界」開超市:永遠都係我贏晒

(資料圖片)

現年57歲的資深藝人苑瓊丹,在較早前已經撈過界搞飲食,而近日再度開鋪,宣佈將投資超級市場業務,更與其他股東出席開幕儀式,其間苑仔心情大好滿場飛,更豪言視上市做目標:「靠我自己就梗係做唔到啦,好在識到一班老實唔呃人嘅Partner,佢地做實事、我負責做宣傳,咁就夾埋一齊打天下!你知啦,藝人做生意好易比人呃,都怕會損手輸入肉,所以揀拍檔先係最難嘅一件事。如果有朝一日,可以過吓上市公司老闆癮,咁就一生無憾啦。」

苑仔坦言將不斷擴充業務,目標每區都有新店開張:「我地唔係想做大茶飯,走貼地路線,希望街坊慳到錢,我地又賺少少咁囉!加上我有熟餸包品牌,依家一條龍咁做,越搞越大多錢過我老公!(你有錢啲定老公身家厚啲?)傻啦!我啲錢係我嘅私己,佢啲錢係賺嚟養我,所以永遠都係我贏晒。」她笑言老公唔介意自己忙碌而無時間「拍拖」,話幾個月唔見都冇乜所謂:「唔係我地感情有事,而係我地生活習慣係咁嘛!之前冇疫情,去內地拍戲一走就幾個月啦,無信任維繫唔到嘅,所以呢年有疫情冇得離港開工,佢賺晒見我嘅時間,我當然要用佢啲錢去投資做吓生意啦。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟