關智斌自爆曾發展異地戀 感覺更開心自由

關智斌(Kenny)為小儀主持的電視節目嘉賓,坦言圈中難覓真愛,更自爆試過異地戀,情侶在外地坐公共交通工具周圍去,已經好開心。

關智斌為小儀節目擔任嘉賓。

由阮小儀主持的香港開電視節目《小儀與13型男》,請來「男神型」關智斌(Kenny)擔任小儀約會對象,二人到主題公園手拖手玩旋轉木馬、過山車等。Kenny在節目中透露揀選異性朋友,首選要有潔癖,他說:「有咩類型女性會吸引到我?要教到我嘢,未必話係要邊方面叻啲,但要有共同進步的目標,喺社會唔做嘢、唔認真工作,好容易冇咗生活。」問到Kenny心目中的女神又是怎樣?他表示要有知性美,例如孫燕姿、莫文蔚等。

關智斌與小儀到主題公園手拖手玩旋轉木馬。

小儀認為在娛樂圈中要找到另一半比較吃力,Kenny表示認同,他說:「自己圈子好難有戀愛發生,喺第二個地方可能容易啲、冇咁多包袱,老實講,做藝人係會有少少光環,當出到街啲人見到你嘅時候會『嘩,小儀呀!』,但當同一個人有關係時,呢個濾鏡某程度上阻礙咗真誠發展,所以去第二個地方,濾鏡冇咁重,嘗試異地發展吓(感情)可能好啲。」Kenny又分享自己異地戀的小小經驗:「我有冇試過?梗係有啦,點會冇呀。感覺好開心,香港比較少坐公共交通工具,喺外地時兩個人一齊坐公共交通工具,坐電車周圍去,好開心。」

關智斌認同在娛樂圈中找另一半比較吃力。

二人於節目中期間他們更浪漫地嘴對嘴一起吃冬甩,當兩人鼻尖相碰時,小儀立即興奮大叫:「私底下好少有呢種感覺,原來係咁得意嘅,掂鼻哥都有一種挑逗感覺。」此外,小儀亦透露現實生活中曾跟心中「男神」約會,她表示有成功約會但回想當時的感覺並不好受,她說:「記得當時個心係卜卜咁跳、好開心,但諗番轉頭整個約會都唔係好自己、好作狀。」她續謂原來同幻想100分的男仔約會,會沒有真正的自己。

關智斌與小儀嘴對嘴一起吃冬甩。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟