馮允謙聯商台宣傳新碟 遴迍踩爛鑑聽耳機

唱作歌手馮允謙 (Jay Fung) 年初推出的唱片被受好評,是以他及唱片公司對在聖誕假期前推出的新唱片《AWAKEN》均極為重視,並特別聯同叱咤903 合辦電台及社交媒體在 21 (星期一) 同步發送的「叱咤樂壇 x Jay FungAWAKEN》新碟發佈會」,不過Jay Fung 就樂極生悲,不慎踩爛了一雙昂貴的鑑聽耳機,幸好他及時樂觀地想,希望有天使買新耳機作為他的聖誕禮物。

節目開始時主持人叱咤 903 DJ 謝茜嘉亦不忘恭喜Jay Fung 新唱片成績斐然,《開始倒數》及《地球來的人》均為四台冠軍歌,對此他興奮地說:「因為一月果時推出嘅唱片《DETOUR》反應好好,所以我同製作團隊都更加俾心機去做呢張新唱片《AWAKEN(覺醒) ,好多謝公司及團隊成員嘅支持。今年我要好感恩,因為感覺自己擁有好多好嘅嘢。」

年初時新唱片《DETOUR》的派對不少歌手朋友均來捧場,如今因為疫情原故,新唱片發佈會改為網上舉行,對此 Jay Fung 表示一樣的感恩:「上次個發佈派對,好多歌手朋友及我嘅屋企人都有嚟,因為有好多熟朋友一齊,所以就好放鬆、活潑,而今日就有好多寰亞音樂大家庭嘅同事嚟支持我,一樣咁開心。不過可能因為太集中精神,所以剛才在綵排時候,我就唔為意自己對耳機跌咗落地下,咁啱今日又著咗對好重嘅皮鞋,咁就踩爛咗個耳機。我每年都冇話想要乜嘢聖誕禮物,不過今年若果有人送返一對耳機俾我,咁佢就真係我嘅天使啦。」

快將過去的 2020 年對全球很多人來說都是很不容易的一年,而對於Jay Fung 來說,更是悲喜交雜,緣因自少照顧他的嫲嫲月初過世了,每次說到這位他摯愛的親人,他都會不禁哽咽起來,他說:「今張唱片入面有首歌對我個人嚟講係有特別意義,有隻歌《小康》係我寫俾屋企人嘅,今年因為疫情所以唔可以返加拿大一齊過聖誕,而細個照顧我嘅嫲嫲剛剛過咗身,佢好錫我,教識我乜嘢係啱乜嘢係錯,好感恩細個有個咁好嘅親人照顧我,雖然我知道唔可以喺佢面前唱呢首歌俾佢聽,但我唱嘅時候知道佢係聽到嘅。」

馮允謙全情投入獻唱。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟