周祉君拍戲現巨鵰 扯住四圍行

周祉君需要於網劇現「巨鵰」,於街頭拍攝時被途人投以注目禮。不過,他笑言今次「塞住嚟做」,覺得詼諧幽默。

周祉君「巨雕」現型。

本地影視點播平台hmvod推出的網劇《把砒霜留給自己》,其中的全新單元《睡房暗殺者》免費睇於明日上架,周祉君於大難不死後,竟離奇擁有自瀆殺人的能力。

基於劇情,今次周祉君的演出近乎全程處於性興奮狀態,不管室內或室外戲都係巨雕現形,周祉君直言甚少有機會接觸如此荒謬的喜劇,加上角色性格又正常又自卑但又有特別的超能力,相當衝突,所以令他很想接演,並笑言角色「係用真男人之力去拯救世界」。

周祉君稱自己在拍戲時沒有尷尬,在場的工作人員亦很專業,由於戲內長現大鵰,所以劇組為他特製了一件既合size又令他感到驕傲的道具,祉君笑言「塞住嚟做戲都係一個經歷」,他又說:「正正因為題材夠突兀,變咗你只要見到有條友扯住旗喺度行嘅時候,都會覺得好詼諧幽默。」祉君試過在街頭等埋位時,被街坊發現他的「異狀」:「街坊見到無啦啦有條友扯住旗咁行,啲眼神望過嚟,咁我又望一望佢,點點頭,係啲現場嘅幽默位。」周祉君揚言過程係拍得開心,反而最難頂係着超人衫的戲份,他說:「嗰場戲唔可以笑,係要演英姿雄偉行出嚟,然後去拯救世界,但頭三四個take,行咗兩步真係笑出嚟。」

導演劉翁則指,《睡房》是一個科幻及匪夷所思的故事,他看故仔的時候已經覺得好爽:「我真係諗辦法點樣去呈現一個男人自瀆,而因為自瀆,會令到另外一個人嘅心臟好似俾子彈射過咁樣去殺人。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟