吳卓羲向兩影帝偷師:對自己電影發展有幫助!

吳卓羲旱前於中環拍攝反恐戲,更要來回喪跑,認真喘氣!他又透露今次飾演劉青雲的副手,從對方及劉德華身上吸取經驗,對自己日後電影發展好有幫助。

吳卓羲為新片拍攝反恐戲。

由兩大影帝劉德華夥拍劉青雲領銜主演的《拆彈專家2》即將上映,電影中有不少動作、槍戰戲。一眾演員為一場反恐戲到香港機鐵站取景,劇組出動過百臨時演員,又租用超過十數部警車、救護車、消防車等,場面逼真浩大。當中身穿制服、長靴、戴上頭盔飾演警長的吳卓羲,更要在攝氏三十度高溫下,在中環街頭跋足狂奔兼跨欄。為了拍出完美效果,吳卓羲在鏡頭前來回喪跑多次,大汗疊細汗都毫無怨言。

吳卓羲於新片中有不少槍戰戲份。

吳卓羲表示:「我體能即使應付唔到都要應付,最緊要拍出嚟靚!其實今日唔係最多動作嘅一次,之前已在機鐵站拍咗好多跳躍鏡頭,不過最辛苦唔係我,最辛苦係導演,好似今日咁,拍攝咁大場面,導演兼顧係最多。」吳卓羲透露在片中飾演劉青雲副手,跟對方有不少對手戲,「上一集我跟華哥(劉德華)多對手戲,今次就跟青雲哥,我已經集齊咗我好想合作嘅偶像,同佢哋合作,我會從旁觀察,喺佢哋身上吸取經驗,對我日後電影發展好有幫助。」

吳卓羲(左二)向劉青雲(中)偷師。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟