劉青雲挑戰體能 孭70磅拆彈裝備嗌暈

劉青雲於新片初嘗「拆彈專家」,不過大呼「份工唔易做」,要孭住70磅的裝備令他大感頭暈。

70磅拆彈裝備,令劉青雲大感頭暈。

由劉德華監製兼主演的《拆彈專家》於2017年上映叫好叫座。事隔三年,《拆彈專家2》將於今年底壓軸登場,除了原有班底,新片更邀得金像影帝劉青雲、金馬影帝謝君豪加盟,跟劉德華合組「完美影帝三叉戟」,認真戲碼十足!新加盟的劉青雲在戲中飾演「拆彈專家」總督察,在拍攝過程中,青雲不時要身穿70磅重的拆彈裝上陣,猶記得首天開工,他便要與劉德華拍攝一場「拆彈」戲份,期間「全副武裝」的青雲,在鏡頭前威風凜凜,不過在鏡頭後除下頭盔,他即笑言焗到頭暈暈。

劉青雲在戲中飾演「拆彈專家」。

不過,導演邱禮濤似乎不太認同,他笑指青雲曾於電影《十萬火急》飾演消防員,體能應付理應綽綽有餘。事後問到青雲演拆彈專家還是消防員較辛苦?他表示:「原來做拆彈專家嘅裝備,重過做消防員好多,消防員嘅制服唔重,只係個氧氣筒重,但如果加埋拍攝過程,就應該演消防員辛苦啲,畢竟拆彈專家唔使周圍跑、上落樓梯,但演消防員就要跑來跑去,體能上付出較多。」

邱禮濤(右)認為曾飾演消防員的劉青雲體能應該綽綽有餘。
講車講美容

此外,劉青雲與劉德華雖然相隔十八年再度合作,但二人默契十足,在鏡頭後更有講有笑,兩位影帝不時討論美容經、車經等話題,劉青雲表示二人都好多不同話題,不過傾得最多就係劇情,因為故事比較複雜,好多爆炸同動作場面,所以大家會交流多啲,想令到電影出來嘅效果更好。

劉青雲與劉德華兩位影帝不時討論美容經、車經。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟