劉德華fit爆回歸 打戲親身上陣

曾墮馬受傷的劉德華於新片中有不少動作場面,所有戲份都是親身上陣。他表示清楚自己的身體狀況能夠應付。此外,他又於片中暗晒腹肌,並笑言:「唔fit會畀人笑!」

戲中有不少動作場面,劉德華都親自上陣拍攝。

今年底壓軸登場的續集《拆彈專家2》,除原有班底吳卓羲、蔡瀚億(BabyJohn)、姜皓文等上陣外,還邀請了重量級人馬劉青雲加盟,與劉德華湊成「雙影帝」組合。

劉德華在片中有不少肉搏打鬥、奔跑、翻滾飛躍等鏡頭,是繼2017年墮馬意外康復後,最多動作場面的電影;向來做事認真的劉德華為求拍出理想效果,連場動作戲份均親自上陣,而且表現自如,沒有半點疲態,事後問到劉德華可有被該等鏡頭難倒?他笑言無:「好清楚自己身體狀況,反而武指、導演會擔心啲,我都叫佢哋唔使擔心。今次爆炸、拳腳動作等場面,過往我都曾經做過,所以能夠應付!不過如果拍攝過程一次唔得、兩次唔得、三次唔得,咁我就會比較辛苦,但導演安排好好,動作場面拍一、兩Take就完成。」

敏捷的身手固然是劉德華在《拆彈專家2》的看點,另一幕若隱若現、暗晒胸肌腹肌的畫面也甚有睇頭。劉德華表示:「老實講,身體自上次受傷之後,冇以前咁fit,我覺得喺體形各方面應該要盡快追番呢25%,當然要飲食、運動、生活各方面配合,身邊嘅人成日都讚我fit,所以劉德華唔fit真係會畀人笑,佢哋嘅鼓勵就是對我的鞭策。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟