葉巧琳拍性感MV 節食三星期減10多磅

葉巧琳(Mischa)於新歌MV大騷長腿又露腰,她坦言這尺度已經差不多底線,更透露於開拍前用三星期時間極速減去十多磅。

今次是葉巧琳入行最性感的MV。

葉巧琳新歌《二人份》描寫的已是一對情侶發生關係後的囉囉攣。為了將歌曲故事呈現出來,Mischa今次找來湯駿業(AHDEE)充當MV導演,為她拍攝入行以來最性感的MV,並由Mischa於戲劇班認識的同學兼好友Justin Chu擔任男主角。AHDEE於拍攝前亦跟Mischa上了一些訓練,好等Mischa以最性感火辣的一面演繹當中角色。Mischa說:「呢次MV尺度好大挑戰,既要露腿又要露腰,而且同Justin亦有好多親䁥嘅場口。呢個尺度已經係差不多係我嘅盡頭,如果唔係對我男友嚟講就唔係咁好。」被問到演出時可會尷尬?Mischa笑言:「Justin係好Professional嘅演員,演過好多MV,同佢演戲絕對冇尷尬,而且仲好Smooth!」至於《二人份》中男女主角的關係最終如何走向,Mischa指MV未有給予一個答案,是為了騰出更多幻想空間,讓樂迷邊看邊猜想。

葉巧琳於MV造型性感火辣。

由於性感尺度大開,Mischa也希望能以最佳狀態拍攝,在得到AHDEE的鼓勵下,在開拍前三星期,Mischa以極速瘦身,以節食減去十多磅,不過Mischa坦言這樣很不健康,她說;「 拍攝前三星期以節食去減肥,去到拍攝當日更加冇食嘢,直到拍攝其中一個鏡頭我要食蛋糕,我係毫無懸念堅食落去,仲要食得好開心!其實我本來唔鍾意食甜嘢,但喺嗰一刻我一叉落去舐到忌廉時,感覺就好似置身天堂一樣!」雖然減得狠勁,但看到今次由形象、服飾、化妝以至髮型都是一個大改造,Mischa都希望今次會給予樂迷一個不一樣又滿意的感覺。

葉巧琳在開拍前三星期,以節食極速瘦身,減去十多磅。

今次拍攝《二人份》的MV剛巧碰著在疫情期間進行,Mischa與工作人員也做足防疫措施,她回想道:「當時係第二波疫情稍退,但穩陣起見,現場所有工作人員都有戴上口罩,我同Justin拍攝前亦確保大家都冇發燒,然後一有空檔就用搓手液捽手,至於街景就係喺凌晨時份拍攝,所以街上係冇人嘅,不過一唔使埋位我哋都會戴返口罩。」說起疫情,Mischa表示2020年有一半時間都不知道自己做過甚麼,所以能夠推出新歌《二人份》,更可以完成MV拍攝,她已感到很安慰呢!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟