林盛斌聲演豬八戒︰似我鹹濕!

林盛斌(Bob)於3D 動漫連續劇《西遊》聲演「豬八戒」,他笑言因為今次的「豬八戒」雖然與他差不多一樣鹹濕,而且豬八戒老婆樣靚身材正。

林盛斌聲演豬八戒,七恨情上面。

「豬八戒」予人印象向來又懶又懦弱,今次聲演這家傳戶喻人物的Bob笑言︰「呢隻豬係不一樣,豬八戒鍾意女,鹹鹹哋濕,呢樣同我差唔多,佢內心有啲軟弱,但錄音時其中幾集嚟晒料,做一個好勁好勁嘅強人,我係從來未見過咁威武嘅豬八戒。」老闆蕭定一於配音當日到場探班,兩人互有交流,蕭定一提議Bob將角色加鄉音,Bob覺得效果非常好:「佢話豬八戒不如加少少鄉音,有啲黐脷筋,『大師兄』講『大師哼』,令到角色得意啲、立體啲,同其他主角有啲唔同。」

林盛斌為3D動漫連續劇《西遊》配音。

《西遊》各人物耳熟能詳,Bob更笑言《西遊記》中個個人物都想做,但今次《西遊》入面一定係做豬八戒,原因豬八戒個老婆好靚,身材好好。Bob又很感恩有工開:「做配音工作我又鍾意,以前自己做電台都係用聲音做嘢,又配過西片、港產片、日本電影。」Bob指早幾年有機會認識一名堪輿學家,批他「如果有機會做豬嘅嘢會發」,Bob說:「最好拍《西遊記》做豬八戒。呢件事成日喺我腦入面,幾時有機會做《西遊記》同豬八戒呢?點知蕭定一突然打嚟搵我做豬八戒,嘩!今年行運啦!」

《西遊》中的豬八戒老婆樣靚身材正。

此外,Bob在配音開工期間隨大隊叫外賣飯盒,點了一盒芙蓉蛋飯,提到現在實施的二人限聚令、晚餐無堂食,會否無啖好食?Bob覺得對自己影響不太大:「我少喺出面食,拍嘢有廠有地方,唔使去到街度食,限聚令對我冇乜大意思。」他指這段時間都是留在屋企,好少出去食飯,諗些東西給小朋友玩。

限聚令對Bob影響不太大。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟