與林嘉欣周秀娜有感情戲 劉德華讚選角好

新片《掃毒 2 天地對決》由邱禮濤執導,劉德華、古天樂、苗僑偉、林嘉欣、周秀娜等人主演,陣容十分強勁。劉德華與林嘉欣雖然相識多年,但原來今次才是首次在大銀幕合作,他們在片中飾演夫婦,首日開工除了甜蜜相處外,同樣也要拍爭吵戲的場口,戲裏戲外同樣合拍。不過嘉欣坦言頗有壓力,「第一次同華仔合作,重係演佢老婆,我驚被人妒忌呀,哈哈!開工見到華仔事事都親力親為好落力,加上佢係電影監製,會同我講好多detail 位,幫助到演得更深入。有時演員嘅情緒起伏好大,而華仔可以照顧埋我脆弱嘅一面,所以我非常信任佢。」

對於與嘉欣合作,華仔表示有一種相逢恨晚的感覺,「冇諗過和嘉欣喺螢光幕上係咁似一對夫妻,可能呢啲就係天生嘅化學作用。」

劉德華在片中與飾演他前度女友的周秀娜亦有激動場口,周秀娜表示:「華仔好有親和力,合作起上嚟唔會驚,反而好舒服,我今次演佢前度女友,拍得一日真係唔夠喉!」華仔則大讚周秀娜,也想不到二人會演情侶,「其實我都一把年紀,仲要同佢演男女朋友,不過我演完後覺得選角真係好好。之前有睇由周秀娜主演的電影《29+1》,佢嘅創造力係好高,亦都好希望喺演出方面可以搵到啲新血碰撞一下,可以令自己進步。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟